"Аз сӣ парванда ҳаждаҳтояш нисбат ба кормандони шабакаҳои тақсими барқ аст. 12 парванда нисбат ба шаҳрвандон оғоз карда шуд.” Муҳаммадалӣ Пардазода, намояндаи Додситонии вилояти Суғд, дар оғози моҳи август парвандаҳои марбут ба дуздӣ ва азхудкунии пули барқро дар минтақа чунин баршумурд.
Тоҷикистон, ки аз соли 2015 барои пайвастан ба Иттиҳоди иқтисодии АвруОсиё (ЕАЭС) шитоб надошт, акнун гурӯҳи корӣ таъсис дода, эҳтимоли вуруд ба ин ниҳоди зери нуфузи Русияро арзёбӣ мекунад.
Агарчӣ сиёсатмадорон дар Қазоқистон ҳар сол эъломияи молиёт ё андоз месупоранд, аммо онро ба мардуми одӣ нишон намедиҳанд. Аз имсол вазъ бояд дигар шавад. Вазорати молия гуфтааст, мардум аз ин пас хоҳанд донист, ки вазирон чӣ қадар даромаду сарват доранд.
Намояндагони баъзе аз корхонаҳои истеҳсолӣ дар шимоли Тоҷикистон мегӯянд, ки роҳи бурунрафт аз камбуди барқро ёфтаанд. Як корхона дар Минтақаи озоди иқтисодии Суғд имсол лавҳа ё панелҳои офтобӣ насб кардааст ва аз онҳо даҳҳо ҳазор киловат нерӯи барқ гирифтааст.
Тоҷикистон қисми андаке аз қарзи хориҷияшро пардохт кардааст. Вазири молия Файзиддин Қаҳҳорзода гуфт, коҳиши қарз эътибори кишварро дар назди сармоягузорон ва ниҳодҳои байнулмилалии молӣ боло мебарад ва кишвар имкон меёбад, ки барои тарҳҳое чун нерӯгоҳи “Роғун” қарзу грантҳои боимтиёз ҷалб кунад.
Ҳукумати Тоҷикистон тарҳеро пазируфтааст, ки бо харҷи 324 миллион доллар бояд дастрасии 72%-и аҳолиро бо оби пок таъмин кунад. Бо вуҷуди таблиғоти расонаҳои давлатӣ аз ташаббусҳои Тоҷикистон барои ҳалли мушкили об дар ҷаҳон, беш аз нисфи аҳолӣ, бахусус сокинони деҳаҳо оби ошомиданӣ надоранд.
Намояндагони идораи гумрук дар вилояти Суғд сарусадо дар бораи боздошту ҷарима шудани даҳҳо нақлиёти гаронарзишро шарҳ доданд. Аз он пеш бисёре аз корбарони Радиои Озодӣ аз ҳабси худравҳояшон дар таваққуфгоҳҳои ҷаримавӣ шикоят доштанд.
Онҳое, ки соли 2010 маҷбурӣ ё довталабона саҳмияҳои “Роғун”-ро харида буданд, ҳанӯз умед доранд, ки рӯзе аз даромади ин нерӯгоҳ барояшон фоидае хоҳад расид. Ба назар мерасад, чунин рӯз чандон наздик ҳам нест.
Додситони кулли Тоҷикистон гуфт, даҳҳо “майнинг-ферма”-ро ошкор кардаанд, ки “ғайриқонунӣ ба тавлиди асъори рақамӣ (криптовалюта) машғул буданд”. Ба иттилои Ҳабибулло Волҳидзода, соҳибони ин дастгоҳҳои пулсозии рақамӣ ба миқдори қариб 39 миллион сомонӣ барқро пинҳонӣ истифода бурдаанд.
Як тасмими “Толибон” сабаб шудааст, ки Тоҷикистон як бозори муҳими содироти ангиштро аз даст бидиҳад. Ин гурӯҳи ҳоким бар Афғонистон аз Душанбе хостааст, барои ҳар тонна ангишти содиротӣ 40 доллар “таърифаи транзитӣ” бипардозад. Хабарро Шералӣ Кабир, вазири саноат дар ҷамъи хабарнигорон эълон кард.
“Як бор дар ин роҳ рафта биёям, ба мисли латтакӯҳна мешавам. Бисёр хаста мешавам. Вақти хоб тамоми аъзои баданам дард мекунад." Ин тасвири Абдусаломи ҳафтодсола аз вазъи роҳи байни шаҳри Хуҷанд ва ноҳияи Ашт аст.
Додгоҳи олии иқтисодии Тоҷикистон муҳлати барҳамдиҳии “Агроинвестбонк” ва “Тоҷиксодиротбонк”-ро то моҳи июни соли 2027 дароз кард. Намояндагони додгоҳ гуфтанд, мудирони махсус давоми ду соли оянда бояд амволи бонкро фурӯхта, пули амонатгузоронро баргардонанд.
Ёфтҳои бештар
